Гæздæнты Булаты номыл концертон залы фестивалы фæлгæты ацыд концерт

Гæздæнты Булаты номыл концертон зал та ногæй байдзаг национ музыкæйы зæлтæй. Се сфæлдыстад дзы равдыстой Цæцæны æмæ Дагестаны къордтæ. Мадзал у дыккаг “Нацийы хæзнатæ” фестивалы фæлгæты. Сценæмæ рацыдысты Цæцæны филармонийы оркестр æмæ Дагестаны этно-бэнд. Æппæт уацмыстæ дæр цагътой æрмæст адæмон инструменттыл. Мадзалы кæронбæттæн артисттæн балæвар кодтой Цæгат Ирыстоны культурæйы министрады бузныджы фыстæджытæ. Æдæппæтæй, проекты фæлгæты сараздзысты 15 мадзалы. Республикæмæ ссæудзысты цалдæр национ ансамблы, фестивалы кæронбæттæны та ацæудзæн тымбыл стъолы уæлхъус иумæйаг фембæлд. Концерттæ фенæн уыдзæн майы кæронмæ. Мадзаларазджыты хъуыдымæ гæсгæ, абон хи традицитæ æмæ культурæ бахъахъхъæнын у ахсджиаг хъуыддаг.