Лæгъз ӕмӕ раст змӕлдтытӕ, раст цыма уæздан кафт у, афтæ. Фӕлӕ уыцы фӕлмӕндзинады фӕстӕ ӕмбӕхст ис миддунеимæ бæстон куыст. Цигун — рагон китайаг практикӕ, уый бæтты рӕстӕмбис физикон куыст улӕфӕн техникӕтимӕ.
Ахуыртӕ иттæг хорз цӕттӕдзинад нӕ домынц ӕмӕ алы кары адӕмӕн дӕр сты ӕнцонвадат. Архайджытӕ ӕрæмбырд сты бӕстӕйы алы регионтӕй, фӕлӕ се ‘ппӕты дӕр бæтты — скӕсӕйнаг медитативон практикӕтӕм уарзондзинад.
Физикон цæттæдзинад фӕхуыздӕр кӕнынӕй уӕлдай ма цигун ӕххуыс у тыхст, катай ӕмӕ эмоционалон фæзындтимæ тох кӕнынӕн. Уыцы миниуджытæн уӕлдай тынгдӕр сахадын сæ бон у сывæллæттыл. Архайджытæй иу ахуыр кæны скъоладзауты.
Фæлæ уӕддӕр, арӕхдӕр рагон китайаг практикӕмæ се ‘ргом раздахынц хистӕр кары адӕм. Бирӕ архайджытӕн цигун сси царды ахсджиаг хай. Æппынæдзухы тренировкӕтæ æнæмæнг хорзы ‘рдæм фæзындзысты æнæниздзинадыл.
Ам сӕйрагдӕр у фӕлтӕрӕнты зындзинад нӕ, фӕлӕ сӕ ӕххӕст кӕнын. Туры архайджытӕн фембӕлд сси фадат сӕ фӕлтӕрддзинадæй фæхай кæнынæн ӕмӕ хи дӕнцӕгыл равдисынӕн, ӕнӕниздзинадыл аудын куыд ахсджиаг у, уый.
