Дзӕуджыхъӕуы сбӕрӕг кодтой физкультурникы бон

Доны станцæйы парахатæй сбæрæг кодтой физкультурникы бон. Пауэрлифтинг, хъӕбысхӕстытӕ, командон ӕмӕ стъолыл хъӕзтытӕ — райсомӕй фæстæмæ республикӕйы цӕрджытӕ ӕмӕ уазджытӕ сӕхи фӕлвӕрдтой алы ерысты. Сæ фылдæрæн ма суанг Фæллой æмæ хъахъхъæнынадмæ цæттæдзинады нормативтæ раттыны фадат дæр уыд. Мадзаларазджытæ ма бацæттæ кодтой быдырон хæринæгтæ. Бæрæгбонмæ саккаг кодтой фæндзай æстæм æфсады службæгæнджытæ дæр. Бынаты аргъ скæнæн уыд æфсæддон техникæйæн æмæ бæстæйы уагъд хæцæнгарзæн. Кӕронбӕттӕны, дисциплинӕты йӕхи хуыздӕр чи равдыста, уыцы архайджытӕ райстой майдантӕ ӕмӕ Кады гæххæттытæ. Физкультурникы бон ацыд паддзахадон программӕ “Уӕрӕсейы Спорт”-ы фæлгæты, мадзал бацæттæ кодтой республикæйы физкультурæ æмæ спорты министрады специалисттӕ фонд “Фыдыбӕстӕ Хъахъхъӕнджытӕ”-имӕ иумӕ.