Дзæуджыхъæуы 27-æм скъолайы фыццæгæмкъласонтæн сарæзтой сæрмагонд акци

Æдасдзинад фыццаджыдæр. Уый тыххæй та – фæндаггон æгъдæуттæ хорз зонын æмæ сæ æрвылбоны царды пайда кæнын.  Дзæуджыхъæуы 27-æм скъолайы фыццæгæмкъласонтæн сарæзтой сæрмагонд акци. Ныр уыдон æнæ ныййарджыты æххуысæй цæуын хъæудзæн, стыр автомобилон змæлд кæм ис, ахæм уынгты. Мадзалы бацархайдтой Паддзахадон автоинспекцийы Дзæуджыхъæуы управленийы кусджытæ, педагогтæ æмæ ныййарджытæ. Сабитæн бацæттæ кодтойй сæрмагонд программæ. Баст уыд фæндаггон фæткы домæнтимæ. Акодтой сын ацы ахсджиаг темæимæ баст зарджытæ, архайдтой сценкæты. Фыццагкъласонтæ та ард бахордтой, фистæгæй цæуæгæн цы æмбæлы, уыцы домæнтæ се ‘ппæт дæр кæй æххæст кæндзысты, уый. Радтой сын сæрмагонд æвдисæндартæ дæр. Уый фæстæ та Паддзахадон автоинспекцийы кусджытимæ царды æцæг уавæрты ахуыр кодтой раст фæндаджы сæрты хизыныл. Мадзал ацыд “Фæндæгтыл æдасæй цæуыны æппæтуæрæсеон къуыри”-йы проекты фæлгæты.