Юрий Чайка æмæ Сергей Меняйло кодтой Цæгат Ирыстоны социалон-æкономикон рæзтыл

Цӕгат Кавказы федералон зылды Президенты ӕххӕстбарджын минӕвар Юрий Чайка кусӕг балцы ссыд Дзӕуджыхъӕумӕ. Республикӕйы сӕргълӕууӕг Сергей Меняйлоимӕ фембӕлды ӕрныхас кодта Цӕгат Ирыстоны экономикӕйыл. Афӕдзы фыццаг кварталы регион равдыста хорз рӕзт. Промышленнон куыстады индекс рауад 124 проценты бæрц. Ӕрвыст товарты гуырахст сырӕзт 11 проценты ӕмӕ 17 миллиард сомӕй фӕфылдӕр. Экономикӕ ӕмӕ социалон къабазы инвестицитӕ схызтысты 17 ӕмӕ ӕрдӕг проценты — уый у 6,5 миллиард сомы бӕрц. Ноджы ма снысан кодтой къахдзӕфтӕ республикӕйы сӕйраг проектты райрӕзтӕн. Хицӕнӕй Сергей Меняйло ӕххӕстбарджын минӕварӕн фехъусын кодта сӕрмагонд æфсæддон операцийы архайджытæ ӕмӕ сӕ бинонтæн ӕххуысы тыххӕй. Уымӕй уӕлдай, Юрий Чайка радта арфӕйы фыстӕджытӕ регионы цӕрджытӕн. Бирӕ азты дæргъы фӕллойы тыххӕй хорзӕхтӕ райстой санитар Пухаты Розӕ, механизатор Константин Пиналов, хистӕр медицинон хо Калоты Фатимӕ, слесыр Валерий Бикмаев ӕмӕ æндадзæг Плиты Таймураз.