Премьер Дзанайты Барис амыдта республикæйы хицауады æмбырд

Гокъоты Алан нысангонд ӕрцыд Цӕгат Ирыстоны Ӕхсӕнадон палатӕйы аппараты разамонӕгӕй, Дзесты Марат та ногӕй — экономикон рӕзты министры хӕдивӕджы бынатмӕ. Кадрон уынаффӕтӕ расидтысты республикӕйы хицауады ӕмбырды Дзанайты Барисы разамындӕй. Боны фæткы — социалон ӕмӕ экономикон ӕххуысы сӕйраг мадзӕлттæ. Аварион цӕрӕнуатӕй ралидзыны программӕмӕ гӕсгӕ ацы аз ӕрцӕрын кӕнынвӕнд кӕнынц 91 бинонты — 183 адӕймаджы. Цӕрӕнуатон-коммуналон хӕдзарад, артаг ӕмӕ энергетикӕйы министр Хъараты Тимур куыд фехъусын кодта, афтӕмӕй уыцы нысантӕн ӕхцаввонгад у 385 милуан сомы. Ноджы ма ӕмбырды сфидар кодтой гранттӕ республикон бюджетӕй. Цӕгат Кавказы хӕххон-металлургон институтӕн наукон иртасӕн куыстытӕн ратдзысты 3 милуан сомы. Æххуысы мадзал кусы 2021-æм азӕй, ӕмӕ уыцы рӕстӕгмӕ раззагдӕр уӕлдӕр скъолаты проекттӕн рахицӕн кодтой 35 милуан сомӕй фылдӕр. Æмбырды ахсджиаг темӕты ‘хсæн — социалон контракттӕ.