Дзæуджыхъæуы 48-ӕм скъолайы ацыд интенсив спортивон кæфтытæй

Дзæуджыхъæуы 48-ӕм скъолайы бындурыл райдыдта интенсив спортивон кӕфтытӕй. Мадзал ацыд “Динамо”-йы центры Нина Кривченкойы разамындӕй. Арæхстдзинад фӕбӕрзонддӕр кӕнын, фӕлтӕрддзинадæй фæхай кæнын ӕмӕ ног сезон райдайын, ахæм хæстæ сæ размæ сæвæрдтой мадзаларазджытæ. Фондз боны интенсивы программӕ цымыдисаг у куыд дæснытæн, афтӕ ӕвӕлтӕрд адӕмӕн дӕр. Спортсментӕм ӕнхъӕлмӕ кӕсынц республикӕйы раззагдӕр тренертæй дæсныйадæвдисæг ахуыртæ, афтæмæй фæхуыздæр кӕнӕн уыдзӕн техникӕ европӕйаг ӕмӕ латинаг программӕты. Уӕлдай æргом — физикон цӕттӕдзинадмæ. Сывæллæттæн ӕмӕ сӕ ныййарджытӕн скӕндзысты лекцитӕ спортивон психологийӕ. Кӕронбӕттӕны — ерыстӕ æмæ равдыстытæ. Паркеты архайджытӕ сбӕрӕг кӕндзысты сæ арæхстдзинад. Разамонджытӕ разы сты фæсивæды цæттæдзинадæй.