Дзæуджыхъæуы ацыд интеллектуалон хъæзтыты æртыккаг фестиваль

“Цы? Кæм? Кавказ?”. Цæгат Ирыстоны паддзахадон университеты 105 азы кадæн сарæзтой интеллектуалон хъæзтыты æртыккаг фестиваль. Архайдтой дзы 30 къорды Мæскуы, Саранск, Калугæ, Махачкала, Грозна, Стъараполæй æмæ æндæр горæттæй.
Фыццаг хатт ерыс кодтой скъоладзаутæ дæр. Хъазт арæзт у æртæ хайæ. «Что? Где? Когда?», «Брейн-ринг» æмæ «Своя игра». Уæлахиздзау дарддæр архайдзæн фидæны азы Уæрæсейы чемпионаты. Мадзал бæрæг кæны, Цæгат Ирыстон интеллектуалон культурæйы райрæзты раззагдæрты ‘хсæн кæй ис, уый. Мадзаларазджытæ – клуб “Посторонним V”, ЦИПУ-йы, центр «FabLab Alania» æмæ компани “Парус”-ы æххуысæй.