Дзæуджыхъæуы фæнд кæнынц 2,5 мин фатеримæ микрорайон саразын

Дзæуджыхъæуы фæнд кæнынц 2,5 мин фатеримæ микрорайон саразын. Æрцæрæн дзы уыдзæн федералон программæ «Уæрæсейаг бинонтæн цæрæнуат»-ы архайджытæн дæр. Ахæм хъæппæрисимæ расидтысты куыстуат «Фортуна»-йы. Инвестициты советы уæнгтæ Дзанайты Барисы сæргъы хъуыддагмæ лæмбынæг æркастысты. Бынаты скæнынвæнд кæнынц социалон инфраструктурæ дæр, зæгъæм, аивæдты скъола, кафе, дукани, спорткомплекс æмæ афтæ дарддæр. Ахæм объектты иумæйаг фæзуатæн рахай кодтой 12 мин квадратон метры. Инвесторы ныхасмæ гæсгæ, проект æххæстгæнгæйæ, куысты ныллæууын кæндзæн 100 адæймаджы. Премьер фæнысан кодта бизнесæн æххуыс республикæйы фыццаградон нысанты хыгъды кæй ис. “Амалхъомтæ дæр сæхимæ ист хæстæй иппæрд хъуамæ ма кæнной”, — бафтыдта хицауады сæрдар.