Дзæуджыхъæуы 95-æм сывæллæтты рæвдауæндоны фæзындзæн «Вместе любим и растим», зæгъгæ, ныййарджыты ахуырады центр. Уый тыххæй хъусын кæны республикæйы ахуырад æмæ наукæйы министрад.
Дзæуджыхъæуы 95-æм сывæллæтты рæвдауæндон сси конкурсы æвзарæн къæпхæны уæлахиздзау. Грантты Федералон бюджетæй йын рахай кодтой 900 мин сомæй фылдæр. Æппæт фæрæзтæ дæр бахардз кæндзысты ныййарджыты центры арæзтадыл. Мадæлтæн дзы кæндзысты психологон-педагогон æххуыс. Уыимæ ма сын араздзысты консультаци. Проект æххæст кæнынц «Развития образования», зæгъгæ, паддзахадон программæйы фæлгæты. Центр фæнд кæнынц 2020-æм азы кæронмæ саразын.
Логопедтæ, дефектологтæ, психологтæ æмæ ахуыргæнджытæ ныййарджытæн консультаци араздзысты куыд комкоммæ, афтæ дæрддзæгмæ хуызы дæр.
