Дзæуджыхъæуы хатдзæгтæ скодтой регионалон математикон турнирæн. Сæ зонындзинæдтæ дзы æвдыстой 8-æм æмæ 9-æм кълæсты ахуыргæнинæгтæ. Уæлахиздзау сси командæ «Лицей», йæ разамонæг-Дзæуджыхъæуы лицейы ахуыргæнæг Бырнацты Мæдинæ. Æрæмбырд кодтой 70 баллы. Дыккаг бынаты-«Лицей 38-22», зæгъгæ, иугонд командæ.
Æртыккæгтæ систы математикон клуб «Панда»-йы хъомылгæнинæгтæ. Математикон турнир ацыд комкоммæ хуызы, арæзт уыд 4 къæпхæнæй. Алы туры дæр йæ архайджыты хъуыд бакусын сæрмагонд хæслæвæрдтыл алгебрæ, нымæцон теори, комбинаторикæ æмæ геометрийæ. Хуыздæрты сбæрæг кодта экспертон жюри, баллты иумæйаг нымæц хынцгæйæ. Мадзаларазджытæ-республикæйы Ахуырад æмæ наукæйы министрад, Уæрæсейы наукæты академийы Дзæуджыхъæуккаг центр æмæ Математикон ахуырады центр.
