Дзæуджыхъæуы курдиæттæ исын райдыдтой “Сæ цæсгæмттæм сын бакæс” акцийы архайынмæ

Дзæуджыхъæуы курдиæттæ исын райдыдтой “Сæ цæсгæмттæм сын бакæс” акцийы архайынмæ. Сси традицион æмæ арæзт цæуы ныр 6-æм хатт. Хъæбатырты тыххæй информаци бадæттæн ис 16 апрелы онг. Ветеранты хуызистытæ, рекламон конструкцитыл иу раздæр кæй равæрдтой, уыдон та ацы аз дæр фенæн уыдзæн æнæ курдиæттæ бадæтгæйæ. Сæрмагонд информаци æмæ бæрæггæнæнтæ хъæбатыры тыххæй фыццаг хатт чи фæнд кæны бадæттын, уыдоны хъæуы Бирæвæрсыг центрмæ бацæуын. Акцийы бацархайæн ис лæвар. Ветеранты хуызистытæ горæты уынгты рекламон конструкцитыл уыдзысты 1-æй 10 майы онг. Фæнысан кæнын хъæуы уый, æмæ 2025-æм азы Дзæуджыхъæуы равæрдтой Фыдыбæстæйы Стыр хæсты архайджыты 14 мин 309 портреты. Уæ зæрдыл уын æрлæууын кæндзыстæм, акци арæзт цæуы Дзæуджыхъæуы администрацийы хъæппæрисæй республикæйы сæргълæууæг Сергей Меняйлойы фæндонмæ гæсгæ.