Дзæуджыхъæуы схорзæхджын кодтой наукон-практикон конференци «Колмогоровы номыл кæстытæ»-йы уæлахиздзауты. 45 скъоладзауы наукон-иртасæн куыстытæн аргъ кодтой жюрийы уæнгтæ.
Уыдонæй 35 скъоладзауы райстой фыццаг, дыккаг æмæ æртыккаг къæпхæны дипломтæ. Дарддæр архайдзысты æппæтадæмон наукон конференцийы Мæскуыйы. Куыстытæн аргъ кодтой доклады темæйы ахсджиагдзинадмӕ гæсгæ, наукон куыст æххæстгæгæйæ цавæр цымыдисаг мадзæлттæй спайда кодтой, уымæ гæсгæ дæр.
Конференцийы сæйраг нысан у скъоладзауты æргом наукæмæ раздахын. Мадзал арæзт цæуы 2003 азæй нырмæ. Йæ архайджыты нымæц азæй-азмæ рæзы. Бирæ скъодадзаутæн стыр наукæмæ фæндаг бацамыдта.
