Фæндæгтæй уæлдай ма Дзæуджыхъæуы цалцæг кæнын райдайдзысты бæстыхæйттæ дæр. Бакусдзысты сæ æддаг бакаст срæсугъд кæныныл. Ныхас цæуы сæйраг уынгты цы бæстыхæйттæ ис, уыдоныл. Ахæм хæслæвæрд радта Битарты Вячеслав Цæгат Ирыстоны архитектурæйы комитетæн. Администрацийы кусджытимæ æмгуыст кæндзысты ацы фарстайы фæдыл. Ныхас цæудзæн бæстыхæйтты хицæуттимæ дæр. Æркæсдзысты рекламæ кæм вæййы, уыцы гæрзтыл куыд егъау сты, уымæ.
Кæд ма бæстыхæйтты рудзгуытæ дæр`ддаг бакаст фыдуынд кæнынц, уымæ дæр. Ахæм мадзæлттæ снысан кодтой, цæмæй Дзæуджыхъæумæ тиристтæ фылдæр се`ргом здахой. Цас бахъæудзæн уый тыххæй æхцайы фæрæзтæ, уый бæрæг нæу. Профилон комитеты сæрдар Цæллагты Алыксандры ныхæсæм гæсгæ, ацы фарстамæ сæрмагонд цæстдард рагæй нæ уыд. Уый тыххæй хъæуы бакусын.
