Фараст мæймæ Дзæуджыхъæуы бюджеты æфтиæгтæ баисты 6,5 млрд сомы. Уый тыххæй парламенты Советы æмбырды фехъусын кодта мэр Милдзыхты Вячеслав. 766 милуан соммæ ‘ввахс рахай кодтой æхсæнадон бынæтты цалцæгæнæн æмæ фæндæгты бындурон рацарæзтæн. Азы аз Дзæуджыхъæу архайы “Цардæн хъæугæ инфраструктурæ”æмæ “Фæсивæд æмæ сывæллæттæ” нацпроектты. Се ‘ххæсткæнынадæн рахай кодтой 290 милуан сомæй фылдæр. Æрдзырдтой ма туризм æмæ логистикон бастдзинæдты райрæзтыл цы проекттæ ахадынц, уыдоныл дæр. Се ‘хсæн – “Алания парк”, агрокомплекс “Шале”, Цмийы логоцентр æмæ рæстæгмæ дарæн бынæттæ Ларсы. Инвестициты иумæйаг гуырахст у 5 млрд сомы.
