Дзæуджыхъæуы уыд “Рагон ирайнаг æвзæгтæ æмæ тексттæ 1982-1984 азты аудиофыстытæм гæсгæ”-йы презентаци. Хаст æм æрцыдысты Абайты Васо Æвзагзонынады институты авестæ æмæ рагон персайнаг æвзæгты тыххæй цы лекцитæ æмæ семинартæ каст, уыдоны æрмæджытæ.
Зонадон куысты автортæ — филологон наукæты кандидат, Уанеты Захары номыл Хуссар Ирыстоны наукон-иртасæн институты хистæр зонадон кусæг Битарты Зоя æмæ Уæрæсейы наукæты академийы Æвзагзонынады институты ирайнаг æвзæгты хайады хистæр зонадон кусæг Софья Виноградова.
Чиныджы рауагъд баст у зындгонд лингвисты райгуырды 125 азимæ. Презентаци бацæттæ кодтой газет “Северная Осетия”, Цæгат Ирыстоны гуманитарон æмæ социалон иртасæнты институт æмæ Битарты мыггаджы совет.
