Фæззыгон-зымæгон рæстæг зынгсирвæзтæй тæссаг афон æмæ иумæйаг паддзахадон фæлварæнмæ цæттæгæнæн мадзæлттæ цæуынц фæткмæ гæсгæ. Уый тыххæй фехъусын кодтой электрон тыхы æдасдзинады республикон штабы æмбырды.
Иумæйаг паддзахадон фæлварæны рæстæг къуылымпыдзинæдтæ хъуамæ ма сæвзæра. Алы аудиторийы дæр сæвæрдзысты видеобастдзинады камерæтæ æмæ æндæр сæрмагонд техникæ. Цæмæй электрон тыхдæттæг системæйы куыст ма фæкъуылымпы уа, уый тыххæй фæлварæнты график «Севкавказэнерго»-мæ арвыстой.
Зынгсирвæзтæй тæссаг афон цы æнæнхъæлæджы цаутæ сæвзæры, уыдон аиуварс кæнынмæ дæр алцыдæр цæттæ у. Уый тыххæй фехъусын кодта Уæрæсейы граждайнаг хъахъхъæнынады хъуыддæгтæ, æнæнхъæлæджы цаутæ æмæ æрдзон фыдбылызты фæстиуджытæ иуварс кæныны министрады Цæгат Ирыстоны сæйраг управленийы разамонæг Владимир Бутенко. Йæ ныхæстæм гæсгæ, нысангонд æрцыдысты оперативон штабы уæнгтæ. Сбæрæг кодтой сæрмагонд техникæйы уавæр дæр. Фæззыгон-зымæгон рæстæгмæ базилдзысты 195 хъармгæнæн куыстуатмæ æмæ 242 километры хæтæлтæм.
