Бæлцæттæ ласыны къабазы субсидитӕ дӕттыны ног домæнтæ снысан кодтой хицауады ӕмбырды. Ныхас цæуы ӕхсӕнадон транспорт балхӕныны хӕрдзты иу хай баххӕст кӕныныл. Специалисттæ фидарæй зæгъынц, уый зынгӕ фӕфылдӕр кӕндзӕн автопарк. Фӕстаг цалдӕр азы республикӕйы самал кодтой 250 автобусы бӕрц. Ацы аз ма фæнд кӕнынц 46. Дзуапдæттæг комитеты сӕрдар Захъаты Аланы ныхӕстӕм гӕсгӕ, сӕ рауадзысты Дзӕуджыхъӕуы маршруттыл. Уый зынгæ фӕхуыздӕр кӕндзӕн лӕггады хӕрзхъӕддзинад.
Субсидитӕ фӕуӕрӕхдӕр кӕндзысты аграритӕн дӕр. Баххӕст сын кӕндзысты агротехнологон куыстыты хӕрдзты иу хай, экологон ӕдасдзинад фӕдывæр æмæ хӕрзхъӕддзинад фӕхуыздӕр кӕнынæн. Ахсджиаг ма у финансон уӕз фӕкъаддӕр кӕнын ӕмӕ куыстыты гуырахст фӕфылдӕр кӕнын. Уымӕй уӕлдай ма хицауады уæнгтæ æрдзырдтой ноджы иу ахсджиаг темæйыл — цӕрӕн пункттӕ донивылдтӕй хъахъхъӕныныл. Терчы донвӕды цы 14 объекты ис, уыдон радтой республикӕйы исбонмӕ.
