Цӕгат Ирыстоны цæхæрадæтты ӕмбалӕдты коммуналон хызтӕ бакæндзысты стыр энергетикон компаниты бæрны. Ахæм фӕдзӕхст радта республикӕйы сӕргълӕууӕг Сергей Меняйло. Ныхас цӕуы газӕввонгады, донӕввонгады, дониуварсы ӕмӕ электрон тых дӕттыны хызтыл. Регионы хицауады сӕрдар Дзанайты Барис бабар кодта Цæрæн-коммуналон хæдзарады министрадӕн, цæмæй куыстӕн пълан саразой. Специалисттӕ сбӕрӕг кӕндзысты хæтæлтæ ӕмӕ телты уавӕр ӕппӕт 45 ӕмбалады дӕр. Дзуапдæттæг ведомствæты минæвæрттæ сараздзысты ӕмбырдтӕ адæмимæ. Æмбалæдты цӕры мингай адӕймӕгтӕ. Ныртӕккӕ сӕ хызтӕ хорз уавæры не сты. Объекттӕ “Россети”, “Газпром” ӕмӕ доны куыстуатæн раттыны хъуыддаг феххуыс уыдзӕн аваритӕ тагъд аиуварс кӕнынӕн. Фӕхуыздӕр уыдзæн рухс, дон ӕмӕ газы лæггæдты хӕрзхъӕддзинад.
