Дзанайты Барис архайдта Паддзахадон думæйы регионалон политикæ æмæ бынæттон хиуынаффæйады фарстаты фæдыл æмбырды

Дзанайты Барис архайдта Паддзахадон думæйы регионалон политикæ æмæ бынæттон хиуынаффæйады фарстаты фæдыл кусæг къорды æмбырды. Æрдзырдтой ахсджиаг хъуыддæгтыл, се ‘хсæн инфраструктурæйы рацарæзт, бизнес æмæ территориты райрæзт. Премьер радзырдта чысыл æмæ астæуккаг амалхъомадæн æххуыссы мадзæлтты тыххæй. Бафиппайдта, фарон Цæгат Ирыстоны кæй сргестраци кодтой амалхъомады 20 мин субъекты. Æмæ уыцы нымæц æппынæдзух рæзы. Хицауады сæрдар фæнысан кодта — республикæйы æххæстгонд цæуы 5 æнтыстджын проекты, сæ иумæйаг рагъ 69 млрд сомы бæрц.