Дзанайты Барис архайдта стратегион хъӕппӕристы Агентад æмæ республикӕйы ӕмгуыстады фарстатимæ баст æмбырды. Агентады генералон директоры фыццаг хӕдивӕг Игорь Карачинимӕ фæнысан кодта куысты сӕйраг къабӕзтӕ. Республикӕйы дзуапдæттæг министрадты разамонджытӕ фембæлды архайдтой видеобастдзинады фæрцы. Национ инвестицион рейтингы республикӕ бӕрӕггӕнӕнтӕ фæхуыздæр кодта ӕхсӕз здӕхтмæ гæсгæ: кадртӕ, бизнесӕн ӕххуыс, ӕнӕзмӕлгӕ мулк, инженерон хызтӕ, инфраструктурӕ ӕмӕ экспорт. Цӕгат Ирыстон схызт фондз къæпхæны ӕмӕ бацахста 19-ӕм бынат. Сӕйрагдӕр хъуыддæгтæй иу у тагъдад. Объекттӕ махмӕ эксплуатацийы лæвæрд цӕуынц 24 бонмӕ, рӕстӕмбис нымадӕй та 31 бонмӕ. Исбоны бартæ регистрацийы тагъдадмӕ гӕсгӕ та регион ныридӕгӕн сӕххӕст кодта, 2030 азмæ цы нысан сӕвӕрдта, уый. Царды хӕрзхъӕддзинады рейтингы фондз здӕхтмӕ гӕсгӕ хатдзæгтæ сты Уæрæсейы рæстæмбис бӕрӕггӕнӕнтӕй уӕлдӕр: се ‘хсæн адӕмы хъахъхъӕнын, цӕрӕнуатон уавӕртӕ, хӕрзвадат, экологи ӕмӕ ӕдасдзинад. Республикӕ хауы дӕс регионмӕ ӕппӕты ӕнцонвадатдӕр фыццаградон медицинон ӕххуысимӕ: цӕрджыты 95% бӕрц рынчындонмӕ бахӕццӕ уыдзысты 20 минутмӕ. Бӕстӕмӕ гӕсгӕ уыцы бӕрӕггӕнӕн у 82% бӕрц. Дзанайты Барис фӕбӕрӕг кодта Агентадимӕ æппынæдзухы куысты ахадындзинад ӕмӕ бузныг загъта стратегион хъæппæристы Агентады командæйæн æххуысы тыххæй.
