Хуыгаты Сергейы чингуыты презентаци ацыд Дзæуджыхъæуы центрон библиотекæйы

Хуыгаты Сергейы чингуыты презентаци ацыд Дзæуджыхъæуы центрон библиотекæйы. Поэт, прозаик, тæлмацгæнæг æмæ публицист, Ирыстоны адæмон фыссæг йæхæдæг уыд кадджын мадзалы уазæг. Фыццаджыдæр бæрæгбоны архайджытæн равдыстой Хуыгаты Сергейы царды æмæ сфæлдыстады тыххæй видеоæрмæг. Ацы аз фыссæгæн рухс федтой йæ æртæ чиныджы. Фыццаг – “Айсет”, уырыссаг æвзагмæ йæ ратæлмац кодта Хуыгаты Ирлан. Дыккаг – мысинæгты чиныг “Цардысты æмæ уыдысты”. Ам Хуыгаты Сергей æрхъуыды кодта хæларæй цы фысджытимæ цардис, уыдоны тыххæй йæ мысинæгтæ, цардæй ист цаутæ. Зæгъын хъæуы, æмæ хицæн радзырдтæй мыхуыргонд цыдысты журнал “Мах Дуг”-ы фæрстыл. Ныр та уагъд æрцыдысты иумæйаг æмбырдгондæй. Æртыккаг чиныджы та ис англисаг æвзагмæ тæлмацгонд фыссæджы 3 радзырды. Мадзалы бацархайдтой Фысджыты цæдисы æмæ æхсæнады уæнгтæ, республикæйы артисттæ, Хуыгаты мыггаджы минæвæрттæ.