Дзанайты Барис фембæлд республикæйы цæрджытимæ

Цæрæн пунктты аивдзинад, фæндæгты уавæр æмæ хостæй ифтонгад. Дзанайты Барис фембæлд республикæйы цæрджытимæ. Алагираг Сохиты Фатимæ куры Комсомольская уынджы фæз банывыл кæнын. Районы сæргълæууæг Дзантиаты Ислам куыд радзырдта, афтæмæй “Горæты æнцонвадат уавæртæ аразыны” программæмæ гæсгæ дзы фæнд кæнынц фæлладуадзæн бынат скæнын. Уымæ гæсгæ ма Æрыдоны та сараздзысты фистæгцæуджытæн зонæ. Ныхас цыд ахуырадон кусæндæттыл дæр. Дзæуджыхъæуы сног кæндзысты нæуæдз фарæстæм рæвдауæндон, Дигорайы та дыккæгæм скъола. Мичуринойæ Хуырымты Эдуард республикæйы разамындæн загъта бузныг иувæрсты нырыккон фæндаджы тыххæй. Хъæуы астæуты фурæтæ нал цæуынц. Фæлæ уæзласæн хæдтулгæты фæстæ фæндаг ныппырх.