Беслæны бæллæхы хъыгдардбаййафджытæн реабилитацийы домæнтæ фæрогдæр кодтой. Ныр санаториты ныййарджытæн сæ бон сæ цотимæ уывын у æнæ уæлæмхасæн хæрдзтæй. Уый тыххæй фехъусын кодтой республикæйы хицауады æмбырды. Ацы аз ахæм хуызы дзæбæхгæнæн мадзæлттæй сæххæст кæндзысты 850 адæймаджы. Æххуысы фæрæзмæ уæлдай æргом здахынц бæстæйы президент Владимир Путин æмæ республикæйы сæргълæууæг Сергей Меняйло. Ныхас ма цыд “Цæгат Ирыстоны социалон рæзты” паддзахадон программæйыл. Æххæсы алы къабæзтыл, йæ фæлгæты бакусдзысты 170 мадзалы райрæзтыл. Ацы нысантæн бюджеты снысан кодтой 7 миллиард сомæй фылдæр.
Снысан ма кодтой ног льготæ бирæсывæллонджын бинонтæн æххуысæн. Бæлвырддæр дзургæйæ колледжтæ æмæ техникумты ахуыры фæдыл компенсаци. Цæгат Ирыстоны йæ исынц 500 студентæй фылдæр. Ныхас ма цыд фæндаггон-транспортон комплексыл дæр. Ацы аз инфраструктурæйы модернизаци адарддæр кæндзысты. Премьер Дзанайты Барисы ныхасмæ гæсгæ, уыцы нысантæн радих кæндзысты 7 миллиард сомæй фылдæр. Æрдзырдтой ма чысыл æмæ астæуккаг бизнесæн æххуысыл.
