Цæгат Ирыстоны фæлхасгæнджытæм цæстдарды управленийы кусджытæ дарддæр аразынц профилактикон рейдтæ. Зилынц хойрæгты дуканитыл æмæ бæрæг кæнынц эпидемиологон уавæр. Управленийы кусджытæ ацы бабæрæг кодтой «Леруа Мерлен» æмæ «Чиба» дуканитæ.
Аиппытæ кæм разыны, уыцы бынæтты кусджытимæ ныхас кæнынц, дæттынц сын амынддзинæдтæ. Кæсынц кусæндæттæ медицинон гамхудтæй, æрмкъухтæй, дезинфекцигæнæн фæрæзтæй æмæ буары тæвд барæнтæй куыд ифтонг сты, уымæ. Сæрмагонд мадзæлттæ арæзт цæуынц ног коронавирусы инфекци парахат кæнын ма `руадзынæн.
