Федералон льготниктæн социалон лæггæдты фарстатæ, инвалидты хостæй ифтонгадыл ныхас цыд ведомствоты ‘хсæн кусæг къорды æмбырды. Амыдта йæ республикæйы хицауады сæрдары хæдивæг Александр Реутов.
Æнæниздзинад хъахъхъæнынады министр Тебиаты Сослан кыд фехъусын кодта, афтæмæй хостæй ифтонгады паддзахадон программæйы фæлгæты льготниктæ исынц социалон æххуыс. Пациенттæ йæ исынц дыууæ хуызы — фиддонтæ æмæ лæггæдты хуызы. Паддзахадон æххуыс льготник цы хуызы исдзæн, уый тыххæй сæрмагонд курдтиат бадæттын хъæуы 1-æм октябрмæ.
