Хъæуты сæрвæттæм фарон бафтыдтой мин гектарæй фылдæр. Уый Рахизфарсы, Кировы, Æрыдоны, Æрæфы, Алагиры æмæ Горæтгæрон районты. Зæххы хæйттæ республикон исбонадæй рахай кодта регионы Паддзахадон исбонад æмæ зæххы ахастдзинæдты министрад.
Фысвос æмæ стурвосы хицæуттæ хъаст кæнынц, хизæнуæттæ кæй нæ фаг кæны, уымæй. Уый аххосæй фос знаггад хæссынц адæмы исбонадæн, хъыгдарынц хæдтулгæты цыд æмæ, хъыгагæн, свæййынц аххосджын фæндаггон-транспортон цауты дæр. Цæгат Ирыстоны хицауад фæнд кæны сæрвæтты фæзуæттæ фæфылдæр кæнын республикæйы æппæт районты.
