Фонд “Фыдыбӕстӕ хъахъхъӕнджытæ” ӕххуыс кӕнын райдайдзӕн ӕфсӕддонты дыууӕ ног категорийӕн

Ӕфсӕддонтӕ ӕмӕ ветерантӕ райсдзысты реабилитацийы ног фӕрӕзтӕ. Ратдзысты сын сӕрмагонд спортивон протезтӕ, адаптивон дарӕс, къухӕй амонгæ хӕдтулгӕтӕ. Сæ цæрæнуæтты сын, се ‘нæнæидзинадмæ гæсгæ, хъæугæ фадæттæ скӕндзысты. Уый тыххæй фехъусын кодта регионы разамонæг Сергей Меняйло. Ахæм гæнæнтæ фæзынд “Фыдыбӕстӕ хъахъхъӕнджытæ” фонды ӕххуыс фӕуӕрӕхдӕр кӕныны фӕрцы. Ныр ӕнцонвадат у цӕрджыты 2 ног категорийӕн. Фыццаг — уӕззау цӕфты фæстæ службæйы чи баззад, ахæм æфсæддонтæ. Дыккаг категори — арӕнтӕ хъахъхъӕнгӕйӕ чи фæцæф, уыцы ветерантӕ. Хъӕппӕрис ӕххӕст кӕнынц Владимир Путины ӕххуысӕй.