Дзæуджыхъæуы “Наследие. Развитие. Единство”, зæгъгæ, рухстауӕн сесси æрбангом кодта Цæгат Кавказы федералон зылдæй ӕмӕ Хуссар Ирыстонӕй сӕрмагонд æфсæддон операцийы сӕдӕ ветеранӕй фылдӕр. Сӕйраг нысан — Уæрæсейы адӕмты ‘хсӕн историон-культурон бастдзинӕдтӕ фидар кӕныныл сæрмагонд æфсæддон операцийы архайджытимӕ кусын. Кадджын мадзал бабӕрӕг кодта Сергей Меняйло. Хӕстонтимӕ ныхасы сӕргълӕууӕг æрлæууыд алыхуызон темæтыл. Геополитикӕйӕ ӕфсӕддонты куыстæй æххæст кæныны онг. Республикӕйы разамонӕг ма сын фӕбӕрӕг кодта сӕ лӕгдзинад ӕмӕ хъӕбатырдзинад.
Уымӕй уӕлдай ма сессийы архайджытӕ ӕрныхас кодтой, тохы бынаты психологтӕ кӕй нӕ фаг кӕны, ууыл. Хӕдзармӕ ӕрыздӕхыны фӕстӕ цы зындзинӕдтӕ сӕвзӕры, уыдон. Ахӕм фембӕлдтытӕ хъуамӕ ӕххуыс кӕной хӕстонтӕн сабыр царды хуыздӕр сарæхсынæн. Куыст ссарын, хи хъуыддаг байгом кӕнын кӕнӕ ӕмбӕлгӕ ӕххуысы мадзӕлттӕ райсын. Мадзал сарӕзта сæрмагонд æфсæддон операцийы ветеранты ассоциаци, “Уӕрӕсейы Ӕнӕмӕлгӕ полк” змӕлдимӕ президенты грантты фонды ӕххуысӕй.
