Гӕздӕнты Булаты оркестры концертон залы азӕлыд Моцарты “Реквием”

18.05.2026 13:20

Уый у зындгонд композиторы фӕстаг, ӕнӕххӕст музыкалон уацмыс. Сахатӕй фылдӕр аивадуарзджытæ хъуыстой дунеон классикӕйы шедеврмæ.

Гӕздӕнты Булаты оркестры концертон залы азӕлыд Моцарты “Реквием”. Уый у зындгонд композиторы фӕстаг, ӕнӕххӕст музыкалон уацмыс. Сахатӕй фылдӕр аивадуарзджытæ хъуыстой дунеон классикӕйы шедеврмæ. Сценæйыл — Кӕсӕг-Балхъары паддзахадон музыкалон театры хор, Сафоновы номыл Цӕгат Кавказы филармонийы хор ӕмӕ Цӕгат Ирыстоны паддзахадон филармонийы камерон оркестр. Уыдонæй уæлдай, Гергиты Валерийы номыл Дзӕуджыхъӕуы аивӕдты колледжы студенттӕ. 12 хайы дӕр азӕлыдысты ӕрыгон дирижерты, Хосроты Тамерланы къласы ахуырдзауты разамындæй. Уыдон сты Макар Шаповалов, Зæнджиаты Тамерлан, Будайты Олан, Туаты Сæрмæт æмæ Сидахъаты Константин.

Предыдущий материал

Патриотон акцийы фæлгæты Цæгат Ирыстонмæ ссыдысты хъырымы республикæйы минæвæрттæ

Следующий материал

Командӕ “Ирыстон” Сочийы турниры рамбылдта ӕвзист