Гæртæмттæ исыны ныхмæ куыст хъæуы фæахадгæдæр кæнын

Гæртæмттæ исыны ныхмæ куыст хъæуы фæахадгæдæр кæнын. Уый тыххæй æрдзырдтой гæртæмттæ исыны ныхмæ сæрмагонд семинары. Æмбырды архайджытæ куыд бафиппайдтой, афтæмæй ахсджиаг у профилактикон куыст кæнын. Уый тыххæй та хъæуы мониторинг аразын. Дæнцæгæн æрхастой дохтыртæ æмæ фæллоййадон экспертон къамисмæ цæрджытæй сæ хъаст чи бахаста, уыдоны. Уым сын æмбæлгæ хуызы йе`æниздзинад хъыгдæрд кæмæн у, уый æвдисæн гæххæт не`снысан кодтой. Куыд сбæрæг, афтæмæй арæхдæр сæрмагонд гæххæт снысан кæнынц кæмæн нæ фембæлы, уыдонæн. Республикæйы сæргълæууæджы цур гæртæмттæ исыны ныхмæ тох кæныны управленийы разамонæг Цгъойты Тамерлан куыд бафиппайдта, афтæмæй æхсæнады курдиаттæм хъæуы æргом раздахын. Уæлдай дæр та социалон хызæгты. Арæх цæрджыты ныхæстæ кæй ницæмæ æрдарынц, уымæ гæсгæ æххуыс агур фæсидынц мидхъуыддæгты министрадмæ.