Цæгат Ирыстоны онкологон диспансеры тагъд байгом уыдзæн тынтæй иртасынæй хайад. Уым цы специалисттæ кусдзæн, уыдон ацыдысты сæрмагонд ахуыртæ. Дзæбæхгæнæндон сифтонг кодтой нырыккон домæнтæн дзуапп чи дæтты, ахæм кусæнгæрзтæй. Низ рагагъоммæ сбæрæг кæнын уыдзæн æнцондæр.
Онгологон диспансеры тынтæй иртасæн хайад срæвдз ис. Кадджын уавæрыйæ байгом кæндзысты фидæны къуыри. Хъæугæ специалисттæ дæр дзы ис. Уæдæ йæ нырыккон домæнтæн дзуапп чи дæтты, аæм кусæнгæрзтæй дæр сифтонг кодтой. Комьютерон æмæм магнитон-резонансон тамогрофтæ. Аппараттæ сты уникалон. Зæгъæм, МРТ сæрмагонд программæмæ гæсгæ кусы. Уый руаджы фенæн ис адæмайджы æппæт оргæнтæ дæр. Аппарат уæрæхдæр кæй, уымæ гæсгæ низ рагагъоммæ сбæрæг кæнын фадат фæзынд уæззау уæз кæмæн ис, уыцы адæмæн дæр.
Зарина Созаонти, заведующая отделением лучевой диагностики Республиканского онкологического диспансера: «Раздæр дæр афтæ куыстам. Фæлæ нын ныр аппаратты руаджы фæзынди ног гæнæнтæ. Уæдæ кусæнгæрзты хъæрзхъæддзинад дæр фæхуыздæр ис. Низ сбæрæг кæнæм рагагъоммæ».
Тынтæй иртасынæй хайады специалисттæ æрæджы ацыдысты уæлæмхасæн ахуыртæ. Аппаратты ног гæнæнтæ тыххæй сын радзырдтой Уæрæсейы раззагдæр компаниты кусджытæ.
Владимир Квичук, аппликатор компании «Сименс» по направлению КТ: «Нæ гæнæнтæ уæрæхæй уæрæхдæр кæнынц. Зæгъæм, сбæрæг кæнæм, низ цавæр къæпхæны ис, уый. Хуыздæр нæм зынынц хуылфыдзаумæттæ дæр».
Дохтыртæ куыд зæгъынц, афтæмæй сын ног аппаратты руаджы фадат фæзынд низ рагагъоммæ сбæрæг кæнын. Уæдæ пациентты рады лæууын дæр нал хъæуы. Ныры онг онкологон диспансеры ахæм хъæугæ аппараттæ уыдысты иугæйттæй.
Къутæрты Аидæ
Джиголаты Каринæ
