Ацы бон мысынц Цæгат Ирыстоны фыццаг президент Галазты Æхсарбеджы дæр. Æххæст ыл кæны 90 азы. Хуыцауы сконд адæймаг, интеллегент, йæ бæстæйы патриот. Ахæмæй йæ бахъуыды кодтой иууылдæр.
Галазты Æхсарбегæн йæ фæндаг райдыдта хъæуккаг ахуыргæнæнгæй. Уыди нæ республикæйы рухстауæны министр дæр. Къорд азты куыста министрты советы сæрдары хæдивæгæй. Разамынд лæвæрдта Цæгат Ирыстоны паддзахадон университетæн. Уæлдæр ахуыргæнæндоны азтæ рауадысты цымыдисаг æмæ æнтыстджын. Галазты Æхсарбег Къостайы сфæлдыстадæн стыр аргъ кодта. Уæлдай кадыл нымадта ирон литературæйы бындурæвæригимæ иу бон кæй райгуырд, уый. 90-æм азты Галазты Æхсарбеджы снысан кодтой цæгатирыстойнаг облæсты комитеты фыццаг секретарæй. Цæгат Ирыстоны уæлдæр советы сæрдарæй, 1994 азы та сси Цæгат Ирыстоны президент. Уый стыр æвæрæн бахаста Цæгат Кавказы сабырдзинадмæ. Галазты Æхсарбег ма историйы баззад, уымæн æмæ йæ хъæппæрисы руаджы командæ «Спартак-Алания» ссис бæстæйы чемпион.
