Нацпроект «Демография» -йы фæлгæты Черменыхъæу æмæ поселок Новое йы фæзындысты ног рæвдауæндæттæ. Скъолайы агъоммæ ахуырадон уагдæттæ бынæттон цæрджытæн сты æцæг лæвар. Сывæллæттæн дзы специалисттæ сарæзтой аккаг уавæрттæ. Ног бæстыхæйттæ бабæрæг кодта хицауады сæрдар Дзанайты Барис.
Æппæт дамгъæтæ раст дзурын нæма сахуыр сты фæлæ ныридæгæн æмдзæвгæтæ кæсынæй сæ ничи амбулдзæн. Черменыхъæуы рæвдауæндоны бынат ис 120 сабийæн. Нырыккон уаæврты сын ныр амонынц скъоламмæ цæттæгæнæн программæ.
Хъазæн уат, музыкæ æмæ физкультурæйæ арахайынæн залтæ, хæрæндон, дзаумæттæивæн æмæ суанг гæзтæхсæн блок. Сæрмагонд лифты фæрцы хæрæндон сисæн ис уæззау инвентарь. Ахæм фæрæзтæй сындæггай ифтонг кæнынц республикæйы æппæт рæвдауæндæттæ дæр. Алы сывæллонæн дæр йæхи конструктор. Тетрæдтæ æмæ чингуытæ пайда сты хъомылгæнинæгты райрæзтæн. Новое хъæуы сывæллæттæн ай у фыццаг рæвдауæндон. Ныййарджыты нал хъæуы сыхаг хъæутæм цæуын.
Раздæры стандарттæ фаг нал сты. Ивддзинæдтæ цæуынц Горæтгæрон æмæ Мæздæджы районты рæвдауæндæтты. Социалон-экономикон райрæзт нæ регионæн у фыццаградон хæс. Курдиат раргом кæнынæн аккаг уавæртæ саразын æххуыс кæны нацпроект Демография. Паддзахадон программæйы руаджы республикæйы радтæ нал ис. Ног бæстыхæйтты арæзтадæй уæлдай ма ныр ис фадат зæронд рæвдауæндæттæ рацаразын.
