Хæххон паддзахадон аграрон университеты 1-æм курсы ахуыргӕнинӕгтӕн сарæзтой кадджын мадзал, студенттæ кæй систы, уый фæдыл. Ахуыргæнæдоны сын бацæттæ кодтой бæрæгбоны концерт.
Университеты культурæйы галуаны сценæйыл сын ракафыдысты адæмон кафты ансамбль «Хохаг»-ы артисттæ. Хæххон аграрон университеты ректоры хæстæ рæстæгмæ æххæстгæнæг Хъаирты Валерий студенттæн раарфæ кодта, ног ахуыры азы райдиан сын бафæдзæхста се ‘взæрст дæсныйæдты ахуыры бæрзæндтæм схизын, дæсны специалисттæ суæвын.
Кадджын мадзалы ма кады гæххæттытæ балæвар кодтой, йæ курдиат сæрмагонд конкурсы чи равдыста æмæ фыццаг бынæттæ чи бацахста, уыцы фæссивæдæн.
