Цæгат Ирыстоны хъармгæнæн рæстæгмæ куыд цæттæ кæнынц, уый тыххæй профилон службæтæ æмæ бæрнон куыджстæ алы бон дæр дзуапп дæттынц. Зæгъгæм, «ЦæгатКавказЭнерго». Хъармгæнæн сезонмæ бацæттæ кæныны тыххæй спълан кодтой сæрмагонд куыстытæ 180 милуан сомæн. Ацы аз ныридæгæн сын бантыст кусæнгæрзтæн се`рдæг сцалцæг кæнын. Уыимæ ма, банывыл кодтой электрон тыхдæттæг хызты 20 гектары. Æнæнхъæлæджы уавæрты министрады уæнгтимæ та æмгуыст кæнынц, æвæстиат уавæрты фæстиуджытæ аиуварс кæныныл. Снысан кодтой мобилон бригад дæр. Ис дзы 9 адæймаджы æмæ 4 техникæйы иуæджы. Уыимæ ма 16 аварион бригады. Уым та архайы 135 адæймаджы æмæ 32 техникæйы. Уыдон хъæуынц, мыййаг исты уæззау уавæр куы фæзына, уæд уый аиуварс кæнынæн. Дзæуджыхъæуы газы службæтæ та снысан кодтой сæрмагонд мадзæлттæ 87 милуан сомæн скæнын.
Куыстуат ныридæгæн сцалцæг кодта 130 газ бæрæг кæныны пункты. Æдыппæтæй хъуамæ сцалцæг кæной 459 ахæм пункты. Уымæй уæлдай ма базылдзысты 2 мин километры газы хæтæлтæм. Кусынц ногтæ уадзыныл дæр. Арæзтадон куыстытæ цæуынц республикæйы хъæуты – Ахсауы, Мæцутæйы æмæ Æрхонкæйы. Фæлæ фæткмæ гæсгæ куыстытæ нæ кæнынц Дæллаг Ларсы æмæ Задалескы. Фæстæдæр куыстытæ райдыдтой кæнын Уналы, Хъобаны æмæ Абайты хъæуы. Зæгъæм, Дзинагайы та куыстытæ кæронмæ фæхæццæ кæнынц. Горæтгæрон районы, поселок Новыйы та газуадзæн хæтæлтæ ныридæгæн кусын райдыдтой.
