Дзæуджыхъæуы уыдис Национ ахастдзинæдты фæдыл министрады хатдзæгтæгæнæн æмбырд. Бæрнон кусджытæ бахыгътой сæ афæдзы куысты бæрæггæнæнтæ.
Ацы аз сын уыдис национ ахастыты паддзахадон программæ сæххæст кæныны кæронбæттæн къæпхæн. Уымæ гæсгæ æмбырды дзырдтой, программæ цас ифтонг рауад, ууыл. Дзырдæн зæгъæм, кусын ыл райдыдтой 4 азы размæ.
Программæйы сæйраг хæс уыдис адæмты `хсæн хъæрмуд ахастдзинæдтæ æндидзын, экстремизмы æууæлты куынæгдзинад æмæ гуманитарон бастдзинæдтæ фидар кæнын. Уæвгæ Цæгат Ирыстоны хицауад ныридæгæн бакуыста, йæ хъомыс иннæ аз кæмæн фæбæрæг уыдзæн, ахæм ног программæйыл. Æмбырды ма ныхас кодтой, министрады бæрны цы кусæндæттæ ис, уыдоны архайды хатдзæгтыл дæр. Бæлвырддæр дзургæйæ, Адæмы хæлардзинады дыууæ хæдзары бæрæггæнæнтыл. Сæ иу ис Дзæуджыхъæуы, иннæ та – Мæздæджы. Æмбырды раныхасгæнджыты хъуыдымæ гæсгæ, ивгъуыд программæйы нысæнттæ сæххæст кодтой кæронмæ.
