Хауæццæгтæ хицæнæй æмбырд кæнынæн сæрмагонд контейнертæ самал кæнынæн Цæгат Ирыстон радон хатт райсдзæн субсиди. Национ проект «Экологи»-йы фæлгæты нæ бæстæйы 43 регионæн рахай кодтой 500 млн сомы.
Уæ зæрдыл уын æрлæууын кæндзыстæм, фарон ма нæ республикæ ахæм хуызы æххуыс кæй райста, уый. Æхцайы фæрæзтæй балхæдтой хауæццæгтæ хицæнæй æмбырд кæнынæн цъæх контейнертæ.
