Хъазахъхъæгты культурæйы бон сбæрæг кодтой Цæгат Ирыстоны паддзахадон медицинон академийы

Хъазахъхъæгты культурæйы бон сбæрæг кодтой Цæгат Ирыстоны паддзахадон медицинон академийы. Кадджын мадзалы архайдта Дзанайты Барис. Бæрнон кусджытимæ бабæрæг кодта тематикон экспозици. Хицауады сæрдар базонгæ ис  хъазахъхъæгты чингуыты æмбырдгондимæ, æрвылбоны царды дзаумæттимæ, нывты равдыст «Казачество и современность» æмæ газет «Терский казак»-имæ. Дзанайты Барис куыд фæнысан кодта, афтæмæй республикæйы бирæ адæмыхæттытæ цæры. Се ‘хсæн ис хæлардзинад. Ацы фæз уымæн у æвдисæн, – загъта премьер. Бæрæгбоны фæдыл æмбырды архайджытæн ракодта арфæ. Фæнысан кодта хъазахъхъаг æхсæнады стыр ахадындзинад.