Хетæгкаты Къостайы райгуырдыл абон æххæст кæны 166 азы

15.10.2025 13:40

Ацы ахсджиаг бон бæрæг кæнынц æгас республикæйы. Ирон аргъауаны пантеоны поэты ингæны цур ацыд мысæн мадзал.

Номдзыд поэт, ирон литературæйы бындурæвæрæг Хетæгкаты Къостайы райгуырдыл абон æххæст кæны 166 азы.
Ацы ахсджиаг бон бæрæг кæнынц æгас республикæйы. Ирон аргъауаны пантеоны поэты ингæны цур ацыд мысæн мадзал. Къостайы цыртдзæвæныл дидинджытæ сæвæрдтой республикæйы премьер-министр Дзанайты Барис, Парламенты сæрдар Тускъаты Таймураз, Уæрæсейы æмæ Цæгат Ирыстоны фысджыты цæдисы, министрадты æмæ ведомствоты минæвæрттæ. Уазджытæн бацæттæ кодтой цыбыр программæ. Республикæйы скъолаты ахуырдзаутæ, ЦИПУ-йы журналистикæйы факультеты студенттæ бакастысты æмдзæвгæтæ ирон æвзагыл. Хетæгкаты Къостайы цыртдзæвæныл дидинджытæ сæвæрдтой Ирон театры кæрты дæр. Ирон адæмы зæрдæты Къоста арф æвæрд у. Йæ сфæлдыстад ын ратæлмац кодтой дунейы алы æвзæгтæм.

Предыдущий материал

20 уæлæмхасæн трамвайы цæттæ кæнынц линимæ рауадзынмæ

Следующий материал

Чат-бот МАХ кусын райдыдта бирæвæрсыг центрты

Читайте также

Все новости