Хицауады уæнгтæ бабæрæг кодтой базарадон-экономикон колледжы ног

Хицауады сæрдары фыццаг хæдивæг Атарты Георгий бабæрæг кодта Цæгат Ирыстоны базарадон-экономикон колледж. Фарон ахуыргæнæндонæн радтой Кировы номыл уынгыл бæстыхай. Арæзтад, ахуырад æмæ наукæйы министрадты разамынд, уыимæ бындурон цалцæджы управленийы сæрдары фыццаг хæдивæг сбæрæг кодтой объекты уавæр. Бындуронæй сцалцæг кæнын хъæуы мин квадратон метрæй фылдæр. Ардæм техникум фæнд кæны рахæссын чиныгдон, актон зал æмæ ахуырадон лабороторон кабинеттæ. Атарты Георгий сæвæрдта бындурон цалцæджы управленийы разамынды размæ хæс, цæмæй нысангонд домæнтæ хынцæгæйæ, проектон-хыгъдон гæххæттытæм бахæссой ивддзинæдтæ. Уымæй уæлдай, фидæны азæй колледжы хъæуы хæрæндон æмæ спортивон зал бындуронæй сцалцæг кæнын. Куыстытæ сæххæст кæндзысты национ проект “Фæсивæд æмæ сывæллæттæ”-мæ гæсгæ.