Хицауады æххуыс райсдзысты, сæ фæзуæттæ фæдзæхст кæмæн сты, æрмæст уыцы кондадтæ. Уый тыххæй фехъусын кодтой æрвылкъуырион аппаратон æмбырды рæстæг.
Амыдта йæ премьер Дзанайты Барис. Ныхас цæуы хъæууонхæдзарадон зæххыты сæдæгай гектартыл. Дзуапдæттæг министр Къусраты Алан зæрдыл æрлæууын кодта, амалхъомтæн ацы хъуыддаджы æххуыс кæй у æрмæст фæдзæхстад.
Ныхас цыд Ногир æмæ Михайловскæйы ‘хсæн хидыл дæр. Халын æй райдыдтой. Дзуапдæттæг комитеты разамонæг Солиты Тариэлы ныхæстæм гæсгæ, райсом фæнд кæнынц ног хиды проект саразыны тыххæй бадзырд бафыссын. Уымæй уæлдай ма бахаста фæндон – «Дзуарыхъæу-Фыййагдон-Хилак» фæндаджы рацарæзтæн нысангонд æхцатæ ногæй байуарын. Сæ иу хай снысан кæнын проект саразынæн, иннæ – арæзтадæн. Дзанайты Барис бабар кодта, цæмæй былгæрæттæ фидаргæнæн куыстытæм уа бæстон цæстдард.
