Хуыздæрты `хсæн

Дунейы адæмон кæфтыты сывæллæтты аивадон ансамбль «Сюрприз» ссис «Рожденственская Москва»-йы, зæгъгæ æркасты уæлахиздзау. Æппæтадæмон фестиваль ацыд Мæскуыйы. Уæрæсейы алы регионтæй дзы архайдта 60 кафæн къорды, 2 мин адæймагæй фылдæр. Цæгат Ирыстоны минæвæрттæ æркастмæ баццæттæ кодтой цалдæр кафты. Хистæр къорды архайынц 13 æмæ 15 аздзыд чызджытæ. Кæстæр къорды та 11 æмæ 12 аздзыдтæ. Конкурсы архайын сын бантыст фарон цы æхцайы фæрæзтæ рамбылдтой уый `руаджы. Уæ зæрдыл уынæй æрлæууын кæндзыстæм, кафджыты къорд фарон сæрды архайдта æркаст «Звуки и краски белых ночей»-, зæгъгæ, Петербурджы. Саккаг сын кодтой Гран-при.