Инфляцийы афæдзы бæрæггæнæнтæ Цæгат Ирыстоны баззадысты 5 проценты æмвæзадыл. 2020 азы декабрæй нæ аивтой. Ахæм хатдзæг скодтой Национ банчы регионалон хайады аналитиктæ.
Инфляци кæй нæ фæуæлдæр, ууыл фæбæрæг сты регионалон рæстæгмæйы аххосæгтæ, фæнысан кодтой специалисттæ. Хойрæгты базарты продукцийы хуызтæ фæфылдæр сты. Уыимæ ма, бынæттон базарадон центрты æргъты политикæ дæр инфляцийыл фæбæрæг. Иннæрдæм та ӕргътыл фæзындысты федералон аххосæгтæ. Сомы тых кæй фæкъаддæр, уый, стæй пандемийæ. Хæлцадон инфляци фæкъаддæр. Кæд декабры 8,9% проценты уыд, уæд абон йæ бæрц у 8,8% проценты. Зынгæ нæ фæфылдæр сты халсартæ æмæ дыргъты æргътæ. Джитъритæ æмæ фæткъуыты. Фыццæгтыл фæбæрæг, хъæрмуæтты нымæц республикæйы кæй рæзы, уый. Дыккæгтыл та – бынæттон продукци иннæ регионтæм ласыны фадæттæ кæй фæкъаддæр сты, уый. Уыцы уавӕртӕ дæр баст сты пандемийæимæ. Фароны тыллæджы æвæрæнтæ дæр фæкъаддæр сты. Уый та расайдта картоф, уырыдзы, цæхæра æмæ къабускайы æргъты уæлæмæ цыд.
Артаджы аргъ фæуæлдæр, йæ базарадон аргъ кæй фæфылдæр, стæй йæ акцизты индексацийы аххосæй. Бæстæйы мидæг туризмы гæнæнтæ фæуæрæхдæр сты, уымæн æмæ фæсарæнтæм ацæуыны фадат нæй. Уымæ гæсгæ, авиабилетты аргъ фæфылдæр. Уыимæ, ныртæкæ фæсарæнтæм ацæуæн ис къаддæр аргъыл, фаронимæ абаргæйæ.
