Информацион технологитæй пайда кæнгæйæ наркотикты æнæзакъон зилдух бæрæг кæнын, накроманийы профилактикæ, медицинон реабилитацийы фарстатæ æмæ дзæбæхкæнæн мадзæлтты рацарæзт

17.12.2024 20:04

Ацы ахсджиаг хъуыддæгтыл æрдзырдтой хицауады уæнгтæ. Видеобастдзинады ‘руаджы æмбырдæн разамынд лæвæрдта премьер Дзанайты Барис.

Информацион технологитæй пайда кæнгæйæ наркотикты æнæзакъон зилдух бæрæг кæнын, накроманийы профилактикæ, медицинон реабилитацийы фарстатæ æмæ дзæбæхкæнæн мадзæлтты рацарæзт. Ацы ахсджиаг хъуыддæгтыл æрдзырдтой хицауады уæнгтæ. Видеобастдзинады ‘руаджы æмбырдæн разамынд лæвæрдта премьер Дзанайты Барис. Æнæниздзинад хъахъхъæныны министр Тебиаты Сосланы ныхæстæм гæсгæ, абон наркологон хыгъды ис 805 адæймаджы, кæнынц сын медицинон æххуыс, уый тыххæй республикæйы ис хъæугæ уавæртæ. Ведомствойы разамонæг ма куыд бафтыдта, афтæмæй зондахастыл æвзæрырдæм чи ахады, ахæм буаргъæдтæй пайдакæнджытæм медикон-социалон реабилитаци саразын у наркологон службæйы куысты сæйрагдæр нысæнттæй иу. Дзуапдæттæг ведомствоты фæсивæдимæ кæнынц профилактикон куыст. Ацы аз республикæйы рабæрæг кодтой наркотиктæ цы каналты уылты парахат кодтой, ахæм 24 бынаты. Арæхдæр фыдгæнджытæ пайда кæнынц сусæггæнæн æвæрæнтæй æмæ интернетæй. Наркотикты ныхмæ архайд у паддзахадон политикæйы ахсджиагдæр хæс, загъта Дзанайты Барис. Бафтыдта ма, уæлдай ахсджиаг кæй у фæсивæдимæ куыст.

Предыдущий материал

Бынативгæ медицинон комплексты афæдзы райдианæй диспансеризаци æмæ профилактикон æркаст ацыдысты 40 мин адæймаджы

Следующий материал

Цæгат Ирыстоны фæндаггон фыдбылызты аххосæгты 80% — шофыртæ домæнтæ кæй не ххæст кæнынц, уый