Иу ахсджиаг историон цау ма Стыр Уæлахизы 80 азы боны агъоммæ. 1941-æм азы декабры уæды Калинины, ныры Тверы облæсты хæстыты æбæрæгæй сæфтыл нымад æрцыд Петр Фисенко

Иу ахсджиаг историон цау ма Стыр Уæлахизы 80 азы боны агъоммæ. 1941-æм азы декабры уæды Калинины, ныры Тверы облæсты хæстыты æбæрæгæй сæфтыл нымад æрцыд Петр Фисенко. 1998-æм азы сæрды æгурæн къорд “Витязь” ссардта æфсæддоны стæгдартæ. Цæгат Ирыстоны æхсæнадон палатæйы сырхæфсæддоны сæрмагонд документтæ, йæ ном æмæ йæ мыггагимæ радтой хæстоны бинонтæн. Бархионтæ йын ссардтой йæ хæрæфырты. Петр Фисенко райгуырд Кировы районы, Змейкæйы 1905-æм азы. Службæ кодта 363-æм æхсæн дивизийы. Фыццаг уал хъахъхъæдта Мæскуыйы бынмæ зæххытæ. Йæ сæрмагонд документтимæ ма æфсæддоны хæстæджытæн радтой, Высокое хъæуы æфсымæрон ингæнæй зæххимæ капсулæ, æфсæддон кæм ныгæд ис, уырдыгæй. Бархионтæ ма Тверæй республикæмæ сластой ноджыдæр дзы цы предметтæ ссардтой, уыдон дæр. Æхсæнадон архайджытæ ма Цæгат Ирыстоны агурджытимæ æрныхас кодтой, цавæр æххуыс сæ хъæуы, уый тыххæй. Бархионтæ дарддæр архайынц æфсæддонтæ кæм фæмард сты, уыцы бынæтты. 2025-æм аз Уæрæсейы президенты указмæ гæсгæ нысангонд æрцыд Фыдыбæстæ хъахъхъæнæджы афæдзæй. Ахсджиаг у Фыдыбæстæ чи хъахъхъæдта, уыдоны ном ма рох кæнын.