“Иугонд Уæрæсе”-йы штабы сæ профессионалон бæрæгбоны фæдыл арфæ ракодтой тагъд медицион æххуысы кусджытæ

Уæрæсейы бæрæг кæнынц тагъд медицинон æххуысы кусæджы бон. Уый у дохтырты, фелсырты, медицинон хоты æмæ шофырты профессионалон бæрæгбон. Специалисттæн раарфæ кодтой “Иугонд Уæрæсе”-йы штабы. Бузныг сын загътой сæ бæрнондзинады, тагъдады æмæ цæттæдзинады бæрзонд æмвæзады тыххæй. Уæлдайдæр чи фесгуыхт, уыдонæн радтой хорзæхтæ æмæ бузныджы фыстæджытæ. Тагъд медицинон æххуысы службæйы специалисттæ æрвылбоны куысты руаджы адæм афойнадыл райсынц хъæугæ æххуыс. “Иугонд Уæрæсе”-йы адæмон программæйы фæлгæты уæлдай ‘ргом аздахдзысты æнæниздзинадхъахъхъæнынады къабазы райрæзтмæ.