Дзæджыхъæуы полиграфИйы æмæ дизайны технологон колледжыл сæххæст 150 азы. Нымад у республикæйы фыццаг ахуыргæнæндоныл. Раздæр колледж хаста æрмгуыстгæнджыты училищæйы ном. Уый фæстæ ссис полиграфион. Абон та у канд полиграфион нæ, фæлæ ма дизайныл дæр кæм ахуыр кæнынц фæсивæды, ахæм кусæндон.
Бæрæгбон сарæзтой Сывæллæтты сфæлдыстады хæдзары. Арфæйы ныхæстимæ сæ размæ рацыд ахуырад æмæ наукæйы министр Азымты Иринæ. Юбилеймæ саккаг кодтой колледжы рауагъдонтæ дæр. Бæрæгбоныл сæмбæлдысты дунейы алы бæстæтæй. Студенттæ бацæттæ кодтой уазджытæн цымыдисаг концертон программæ. Æрбахуыдтой горæты скъолатæ æмæ алыхуызон ахуыргæнæндæтты минæвæртты.
