Къамты равдыст

«Кæм улæфы хæххон дымгæ». Афтæ хуыйны сæрмагонд равдыст. Сарæзта йæ биологийы наукæйы дохтыр Константин Попов. Ныридæгæн ацыд фæндзæм хатт. Экспозици фенæн ис республикон кинойы хæдзары. Хæххон æрдзы рæсугъддзинад, мæсгуытæ, кувæндæттæ æдæппæтæй 100 къамæй фылдæр. Автор куыд фæбæрæг кодта афтæмæй æкспозицимæ бацыдысты фæстаг авд азы цы къамтæ фæиста уыдоны æмбырдгонд. Равдыст цæудзæн мæй. Константин Попов ныр 40 азæй фылдæр къамы исыны аивадимæ æмхиц у. Йæ куыстытæ хаст æрцыдысты Уæрæсейы энциклопедимæ. Кæцыдæр хай та сты хицæн адæймæгты къухы. Экспозицийы фæлгæты ма фенæн уыдзæн национ хуызы хуыд разгæмттæ æмæ дзаумæттæ. Адæмы рæгъмæ сæ рахастой сфæлдыстадон æрмадз «Aivad»-ы минæвæрттæ.