«Гармония души и кисти», зæгъгæ, номимæ равдыст байгом кодтой Дзæуджыхъæуы Кинойы хæдзары. Нывгæнæг Надежда Гер адæмы рæгъмæ рахаста алывæрсыг аивадон хуызты конд куыстытæ; портреттæ, натюрморттæ, пейзажтæ æмæ сюжетон композицитæ.
Ныв кæнын Надежда Гер райдыдта сывæллонæй. Стыр дæсныйæ йæхи раргом кодта æхсæз азы размæ. 2016-æм азæй архайы горæты æмæ республикæйы равдыстыты. «Гармония души и кисти» у нывгæнæджы фыццаг сæрмагонд равдыст. Экспозицийы ис 75 нывы. Æдæппæтæй та йын сты 150. Равдыст фенæн уыдзæн мартъийы кæронмæ. Кадджын мадзалы фæстæ Кинойы хæдзары уыд концерт. Архайдтой дзы республикæйы хъуыстгонд артисттæ.
